.png)
10 نصائح واخطاء للسيرة الذاتية يجب متابعتها
نصائح للسيرة الذاتية:
 |
| نصائح السيرة الذاتية |
1. لما بدك تبعت CV لشركة... إلتزم بمتطلبات الشركة... يعني لما يطلبوا انك تحط الوظيفة اللي بدك تقدمنها بخانة الموضوع... حط اسم الوظيفة وما تكتب اي اشي تاني... بقدر تضيف ملخص الرسالة ولكن التزم بمتطلبات الشركة.
2. ممكن انه تاخذ شوية تفاصيل او معلومات من الانترنت ولكن لما تيحي بدك تنهي حاول انك تخلي شكل ال CV جذاب, مش كل فقرة لون وخط وشكل, واحيانا بنفس الجملة الخط بفرق, ترتيب ال CV بدل على ترتيبك واهتمام.
3. لما تنسخ اشي من النت أتأكد انو المكتوب بنسابك .... لانو شب كاتب بال CV,
ِAmbitious Girl.
4. تاريخ الميلاد والعنوان خاصة اذا ساكن خارج العاصمة (بقدر تزيد جملة انك عندك قابلية للسكن في عمان) والحالة الاجتماعية (متزوج او اعزب) معلومات مهمة ولازم تكون موجودة بال CV.
5. إذا كنت كاتب تاريخ الميلاد ما في داعي لخانة العمر.
6. ليست جميع اسماء الدورات معروفة لــ HR يعني دورة انجاز يمكن انا بعرفها بس غيري ما بعرفها, فلما تكتب اسم الدورة حط اي جزء يشرح عن نوعية الدورة.
7. مش شرط اذا ما اعطاك بال CV خط احمر تحت الكلمة انو ما في اخطاء املائية... لانو في اخطاء بتكون بالمعنى مثل dedication و Deduction في فرق بين الاخلاص والخصم.
8. اذا ما بتعرف انجليزي مليح عادي.. اكتب انك ما بتعرف... لانو رح يكون في مقابلة ورح يسألوك بالانجليزي وممكن يكون في امتحان كمان... فاذا بدايتها كذب.
9. باهدافك الوظيفية (Career Objective ) حاول انك تكتب اشي انت حاب توصلوا... ما تنسخ وبس ... ومش غلط تستشير حدا شاطر بالانجليزي, لانو لما تكون الانجليزي بالجملة بدائي وانت كاتب باخر ال CV انك جيد بالانجليزي...!!
10. يا ريت لو ينكتب الجنس (ذكر او أنثى) خصوصي للاسماء الي بتزبط لشب او بنت او الاسماء اللي ما بتكون واضحة بالانجليزي مثل علاء و آلاء, استخدم كلمة Gender.
